WhatsApp po merr një tjetër përmirësim që do t’i bëjë përdoruesit të lumtur

Një lajm i mirë ka mbërritur për përdoruesit e WhatsApp, pasi ky aplikacion i njohur më në fund mbështet dërgimin e videove me rezolucion të lartë.

Mbështetja për video HD po shpërndahet ngadalë për të gjithë përdoruesit dhe pajisjet që përdorin sisteme operative iOS dhe Android do ta marrin atë. Falë veçorisë së re, përdoruesit do të jenë në gjendje të ndajnë videoklipe me rezolucion 720p, një rritje nga opsioni i mëparshëm vetëm 480p.

Për të dërguar një video HD, duhet të shtypni butonin e ri HD në krye të ekranit, më pas të konfirmoni nëse dëshironi ta ndani videon në cilësi standarde ose HD, d.m.th. rezolucion 480p ose 720p. Përdoruesit do t’i tregohet gjithashtu madhësia e videos, kështu që ai mund të zgjedhë opsionin e dëshiruar bazuar në atë informacion. Ashtu si me fotot HD, të gjitha fotot dhe të gjitha videot, klipet HD të ndara përmes WhatsApp mbrohen nga kriptimi nga skaji në skaj. Marrësi i videos HD do të shohë etiketën HD në të.