Xho Bajden paralajmëron sërish Putinin
Xho Bajden paralajmëron sërish Putinin
Presidenti amerikan Xho Bajden ka paralajmëruar Rusinë se Shtetet e Bashkuara nuk do të frikësohen nga kërcënimet e pamatura pasi Vladimir Putin aneksoi katër rajone të okupuara të Ukrainës. Putin duket se ka bërë një kërcënim të fshehtë për të përdorur armë bërthamore për të mbrojtur territoret e reja të aneksuara. SHBA-të kanë vendosur sanksione të reja ndaj qindra individëve rusë, pasi Putin, nënshkroi “traktatet e pranimit” për aneksimin e katër rajoneve ukrainase.
“Amerika dhe aleatët e saj nuk do të frikësohen. Amerika është plotësisht e përgatitur, me aleatët tanë të NATO-s, për të mbrojtur çdo centimetër të territorit të NATO-s. Zoti Putin, mos e keqkuptoni atë që po them: çdo centimetër”, tha Xho Bajden, President i Shteteve të Bashkuara të Amerikës.