Zaev: Shumica parlamentare mund të rritet jo të zvogëlohet

Kryeministri Zoran Zaev shprehet i bindur se do ta mbajë shumicën prej 62 deputetëve në Kuvend, për shkak të siç u shpreh politikave të drejta, ajo mund të rritet dhe jo të zvogëlohet.

“Këtu nuk ka kurrfarë dilema. Përkundrazi, për shkak të politikave të drejta, politikave evropiane, për qëllimet e sinqerta, për shkak të transparencës në punë, pres që shumica prej 62 deputetëve të rritet në të ardhmen. Do të thotë pres që të rritet shumica, dhe nuk kam kurrfarë frike se do të humbas shumicën parlamentare prej 62 deputetëve”, tha Zaev.