Zbulohet rruga drejt trofeut në Ligën e Kombëve

Dy supersfida spektakolare në gjysmëfinalet e Ligës së Kombëve që do të zhvillohen në tetor të vitit të ardhshëm. Shorti i hedhur në Nion të Zvicrës ka vendosur në gjysmëfinalen e parë që do të zhvillohet në 6 tetor 2021 në “San Siro”, vendin organizator të “Final Four”, Italinë përballë Spanjës.

Gjysmëfinalja e dytë që do të luhet në “Allianz Stadium” të Torinos në 7 tetor do të jetë mes Belgjikës dhe Francës, dy kombëtareve të tjera që fituan grupet respektive në Ligën A.