Zgjedhjet në Turqi, opozita akuzon Moskën për ndërhyrje në fushatën elektorale

Kandidati kryesor i opozitës në zgjedhjet e së dielës në Turqi, ka akuzuar Moskën për ndërhyrje në fushatën elektorale.

“Të dashur miq rusë, hiqni duart nga shteti turk”, deklaroi Kemal Kilicdaroglu. Politikani turk akuzoi Rusinë se ishte përgjegjëse për “komplotet” dhe se kishte publikuar një video të rreme. “Nëse doni që miqësia jonë të vazhdojë pas 15 majit”, një ditë pas zgjedhjeve, “hiqini duart nga shteti turk”, shkroi Kilicdaroglu në Twitter në një mesazh të shkruar në turqisht dhe gjithashtu në rusisht.

“Ju jeni pas montazheve, komploteve, falsifikimeve të thella dhe kasetave që u ekspozuan në këtë vend dje”, tha ai. Komentet erdhën disa orë pasi një tjetër kandidat i opozitës, Muharrem İnxhe, njoftoi se do të tërhiqej nga gara presidenciale. “Po tërhiqem nga gara. Unë po e bëj këtë për atdheun tim”, tha İnxhe në një konferencë për shtyp. Më herët të enjten, zyra e prokurorit publik të Ankarasë tha se hapi një hetim pasi një kasetë seksuale që dyshohet se tregon İnxhe në mediat sociale.