Lul Rakaj infektohet me koronavirus
Mikrobiologu i njohur kosovar ka konfirmuar sot se është prekur nga COVID-19.
Lul Rakaj shkruan në Facebook se pas disa simptomave të shfaqura mbrëmë te gruaja e tij Laura, ata sot u testuan për COVID.
“Unë dhe gruaja rezultuam pozitivë. Unë nuk kam simptoma. Fëmijët, Lena dhe Lumi dolën negativë. Learti punon e studion ne Prishtinë”, shkruan Rakaj.
Ndryshe, Rakaj është edhe kryesues i Bordit Këshilldhënës për Luftën kundër Covid-19 në Kosovë.
