11 milionë euro për menaxhimin e mbeturinave për 18 komuna në rajonin Jugperëndimor dhe atë të Pellagonisë

Ministria e Mjedisit jetësor sot nënshkroi marrëveshje në vlerë prej afër 11 milionë euro, me të cilën do të sigurohen pajisje për menaxhimin e mbeturinave për 18 komuna në rajonin Jugperëndimor dhe atë të Pellagonisë.

Pjesë e projektit do të jenë komunat e Dibrës, Strugës, Manastirit Kërçovës, Prilepit, Dolnenit e disa komuna tjera rurale.

Projekti parashikon furnizimin me kontejnerë, kova, kamionë kompaktorë të specializuar, automjete me skip-lift dhe kamionë kiper, të cilat nevojiten për mbledhje, transport dhe depozitim të mbeturinave sipas standardeve evropiane./ Alsat.mk