Ndërsa ne e dimë se nuk mund t’i fajësojmë fëmijët se janë të shqetësuar, për disa kjo zhurmë prish qetësinë.
Në përpjekje për t’i bërë fluturimet sa më të këndshme, linja ajrore Corendon është bërë e para në Evropë që prezanton “zona vetëm për të rritur” në avionët e saj. Sipas rregullit të ri, në këto seksione mund të hyjnë vetëm personat mbi 16 vjeç dhe ky luks do të kushtojë 45 euro. Vendet janë të vendosura në pjesën e përparme të avionit.
“Ne besojmë se ky vendim mund të ndikojë pozitivisht edhe tek prindërit që udhëtojnë me fëmijë të vegjël. Ata mund të shijojnë fluturimin pa u shqetësuar se fëmijët e tyre bëjnë shumë zhurmë”, tha Attilaj Uslu nga Corendon.
Megjithatë, duke gjykuar nga komentet në rrjetin social X, kjo lëvizje ka ndarë njerëzit.
“Falë Zotit, fëmijët janë vetëm një shqetësim”, thotë një person.
“Do të doja zona ku nuk ka burra të dehur dhe të neveritshëm”, komentoi një tjetër.
“Kjo i dekurajon njerëzit që të kenë fëmijë. “Unë nuk e kuptoj pse disa njerëz i urrejnë familjet kaq shumë,” pyeti një përdorues i tretë i Twitter.
AirAsia e Malajzisë, IndiGo e Indisë dhe Scoot Airlines e Singaporit ofrojnë diçka të ngjashme të quajtur “zona të qeta”, ku pasagjerët mund të gjejnë pushim nëse kanë nevojë.
