A realizohen qëllimet e Alternativës në Qeveri, kjo është përgjigjja e Sali

Sekretari i përgjithshëm i partisë Alternativa, Bekim Sali shprehet se ai dhe partia e tij kanë besim në kryeministrin Dimitar Kovaçevski dhe përpjekjet e qeverisë për ta çuar përpara procesin e integrimit të vendit në Bashkimin Evropian, shkruan Alsat. Sipas Sali e ardhmja e këtij vendi është në Bashkimin Evropian.

“Ne pjesë e qeverisë jemi që tre javë, formimi i qeverisë së re me mandatar të ri është trejavëshe. Kështu që jam optimist kam besim në kryeministrin për ta shtyrë procesin e integrimit, është diçka që po flitet në 25 vitet e fundit dhe ne jemi besnik ndaj qëndrimit tonë që e kemi thënë publikisht se jemi pro integrimit tonë në Bashkimin Evropian, për shkak se besojmë se e ardhmja e këtij shteti është aty”, tha Bekim Sali, sekretar i përgjithshëm i Alternativës./Alsat.mk