Alkaraz triumfon në Barcelonë, Sviatek në Shtutgart të Gjermanisë
Turneu ATP i Barcelonës për meshkuj u fitua nga tenisti spanjoll Karlos Alkaraz, që mbrojti titullin fituar vjet. Në finale ai mundi 2-0 (6-3, 6-4) grekun Stefanos Cicipas, një ndeshje që zgjati 1 orë e 20 minuta. Dominim total i spanjollit, numri 2 në botë, që nuk vuajti shumë ndaj ballkanasit, numri 5 në botë. Për Alkaraz, ky është titulli i tretë për këtë vit (Buenos Aires dhe Indian Uells).
Për femra, në Shtutgard (Gjermani) triumfoi numri 1 në botë, tenistja polake Iga Sviatek. Në finale, ajo mundi 2-0 (6-3, 6-4), numrin 2 në botë, bjellorusen Arina Sabalenka. Një ndeshje e fortë, që zgjati gati dy orë, ku të dyja tenistet më të mira në botë dueluan fort për fitoren. Pas këtij triumfi, Sviateku shkëputet mbi 2.000 pikë në renditje nga Sabalenka.