”Amnesty International”: Biden të mbyllë kampin e Guantanamos

Organi i monitorimit të të drejtave të njeriut ”Amnesty International” i kërkoi presidentit të SHBA Joe Biden të mbyllte qendrën e paraburgimit në Gjirin e Guantanamos në Kubë, e cila ka funksionuar për 20 vjet.

”Kampi përfaqëson arbitraritetin, padrejtësinë dhe torturën”, tha eksperti i ”Amnesty Internatioanl”, Sumit Bhattacharyya.

Bhattacharyya i kërkoi Bidenit të mbyllte kampin dhe të sillte para drejtësisë personat e përfshirë në tortura ose aktivitete të tjera të paligjshme.

Kampi tani ka 39 të burgosur.

Ai u krijua nën qeverinë e presidentit republikan George Bush për të arrestuar terroristët e dyshuar islamikë pas sulmeve terroriste të 11 shtatorit 2001 në Nju Jork dhe Uashington DC.

Pasardhësi i Bushit, demokrati Barack Obama, donte ta mbyllte atë, por dështoi për shkak të kundërshtimit të Kongresit amerikan, ndërsa republikani Donald Trump donte ta mbante të hapur.

Biden, i cili ishte zëvendëspresident i Obamës, po përpiqet të shtyjë planet për mbylljen e objektit.

LEXO EDHE:

Back to top button