Arrestohen autorët e plagosjes në zyrën e PD në Kavajë
Policia e Shqipërisë ka arrestuar autorin e plagosjes në zyrën e Partisë Demokratike në Kavajë, Ndriçim Jonuzi së bashku me Dorjan Troplini dhe Markel Shtylla.
Këta persona akuzohen se dy ditë më parë sulmuan sekretari e zyrës së PD në Kavajë, Bledar Okshtuni duke e lënë të plagosur në këmbë. Akti i Jonuzit u bë edhe argument politik mes palëve për të zbuluar arsyet e veprës së tij.
Nëpërmjet një videoje në rrjetet sociale ky i fundit sqaronte se motivet nuk lidheshin me prirjen politike. Menjëherë pasi kreu krimin, ai u arratis, por pas punës së pandalur policia arriti të gjejë vendndodhjen e tij dhe ta verë në pranga.
