Arrestohet 62 vjeçari nga Gostivari për sjellje agresive dhe kanosje ndaj gruas

Në Sektorin për Punë të Brendshme në Gostivar është raportuar për një rast kanoseje të një 62 vjeçari ndaj bashkëshortes së tij.

Rastin e kanë konfirmuar dhe nga Ministria e Punëve të Brendshme.

“MPB njofton se mbrëmjen e djeshme kanë arrestuar një 62-vjeçar nga një fshat i Gostivarit pasi i njëjti është sjellur në mënyrë agresive dhe ka kanosur gruan e tij”, thuhet në njoftim.

“Në një fshat të Gostivar, dje në orën 20:00, zyrtarët policorë kanë arrestuar personin me iniciale A.F. (62 vjeçar) për sjellje agresive dhe kanosje ndaj gruas së tij 60-vjeçare. Pas dokumentimit të plotë të rastit, do të vijojë dorëzimi i kallëzimit përkatës”, shtojnë nga MPB.