Asnjë ekip nuk ka fituar “Scudetto”-n me 5 humbje

Mbrëmë Juventusi arriti të mposht Interin në Torino me rezultatin 2-0. “Zikaltërit” bënë një lojë shumë të mirë në pjesën e parë, por duke shpërdoruar të gjitha shanset e arta për të kaluar të paktën dy herë në avanatazh.

Çalhanoglu tentoi disa herë nga distanca me disa goditje më të vërtetë të jashtëzakonshme dhe potente, por portieri i vendasve Sçezi ka qenë i vëmendshëm në të gjithë sfidën. Më pas ishte rasti i Dumfries ku me portën e boshatisur nuk mundi ta dërgonte topin në rrjetë.

Gjithsesi, Ishte Juventus që me dy asistimet e serbit Kostic erdhën golat e Rabiot dhe Fagiolit. Kjo është ndeshja e katërt e madhe e humbur dhe e pesta në total për Interin në Serie A.

Në fakt është shqetësuese, duke marrë parasysh se asnjë ekip në Serie A, nuk ka mundur të fitojë “Scudetto”-n me 5 humbje që në fazën e parë të Serie A.