Atentat ndaj prokurorit publik bullgar – shpërthim me tre kilogram tritol

Një atentat ndaj kryeprokurorit të Bullgarisë, Ivan Geshev, tronditi Bullgarinë.

Zëvendësi i tij, Borislav Sarafov, konfirmoi se Geshev ishte shënjestër e një atentati dhe shpërthimi ishte vendosur në rrugë.

“Bomba nuk ishte vetëm me TNT – rreth 3 kilogramë tritol, sipas llogaritjeve të ekspertëve. Në të kishte edhe fragmente. Ata u shpërndanë dhe u mbërthyen në pemët përballë. Bomba me sa duket ishte ndezur me qëllim për të vrarë. Qëllimi nuk është frikësimi, nuk po flasim për fishekzjarre. “Topat metalikë që gjetëm ishin sa një thonjtë e njeriut”, tha Sarafov.

Ai saktëson se autorët e kanë shpërthyer bombën në momentin që po kalonte vetura e Geshev dhe janë vëzhguar me kujdes rrugët e prokurorit.

Ngjarja ka ndodhur në rrugën Sofje-Samokov në afërsi të fshatit Kovaçevci, në orën 11:45. Sipas BTV, prokurori Geshev është dashur të udhëtojë për në Turqi, por në momentin e fundit ka ndryshuar mendje dhe ka shkuar në një aktivitet kushtuar prokurorëve të rinj. Përpara udhëtimit, Geshev kërkoi që zyrtarët e qeverisë të japin një raport se si vendi po zbaton sanksionet e BE kundër Rusisë.

Procedura penale e nisur për rastin është sipas kreut 1 të Kodit Penal – për akt terrorist. Hetuesit janë në kërkim të detonatorëve dhe mbledhjes së copëzave.

Geshev ishte duke udhëtuar me familjen në momentin e aksidentit.

Sipas deklaratave të dëshmitarëve, shpërthimi ka lëvizur makinën e kryeprokurorit në të majtë.