BE do t’i japë Spanjës 115 milionë euro për t’u përballur me krizën e migracionit në Ceuta
Bashkimi Evropian po i jep Spanjës rreth 115 milionë euro për t’u përballur me krizën e migracionit në enklavën e saj të Afrikës Veriore, Ceuta, raporton DPA .
Fondet kanë për qëllim forcimin e mbrojtjes dhe mbikëqyrjes së kufijve, dhe ato do të përdoren gjithashtu për të siguruar akomodim të mirë për të miturit e pashoqëruar dhe për të lehtësuar kthimin e personave pa të drejtë qëndrimi, njoftoi sot Komisioni Evropian.
Spanja paraqiti një kërkesë për ndihmë emergjente më 24 gusht.
Sipas shifrave qeveritare, rreth 72,000 migrantë notuan nga Maroku në Ceuta ose kërcyen mbi gardhin kufitar më 30 dhe 31 korrik. Shumica e tyre u kthyen në Marok brenda pak orësh, kujton DPA.
Megjithatë, edhe më shumë se një muaj më vonë, disa mijëra migrantë janë ende në zonë, dhe numri i tyre, sipas presidentit rajonal, mbetet i paqartë.
