Blue Origin e Jeff Bezos thotë se ofertat për një vend në fluturimin e saj me raketën 11-minutëshe në hapësirë kanë arritur në 2.8 milion dollar

Ofertat për një biletë në anijen suborbitale New Shepard të Blue Origin kanë arritur gati $3 milion, sipas faqes së internetit të kompanisë. Kompania hapësinore e Jeff Bezos po nxjerr në ankand një nga gjashtë vendet në New Shepard për një udhëtim 11-minutësh të planifikuar të niset më 20 korrik, i cili do të jetë fluturimi i parë i turizmit hapësinor të kompanisë.

Oferta më e lartë që nga e enjtja në mëngjes ishte $2.8 milion, tregoi faqja e internetit. Blue Origin tha se më shumë se 5,200 aplikantë në të gjithë 136 vende kishin ofertuar për biletën. Paratë e mbledhura nga ankandi do të shkojnë për fondacionin Blue Origin, Club for the Future, për të cilin kompania thotë se do të kontribuojë në zhvillimin e jetesës në hapësirë dhe do të frymëzojë gjeneratat e ardhshme të ndjekin karriera në shkencë.

Udhëtimi në raketën suborbitale të gjatë 60 metra është planifikuar të zgjasë 11 minuta dhe do ta dërgojë ekuipazhin 62 milje (100 kilometra) mbi sipërfaqen e Tokës. Nisja është vendosur në Launch Site One në Texas.

Florent Ibraimi