Boçvarski: Jemi gati për debat për ligjin për ndërtimet pa leje

Ministri i Transportit dhe Lidhjeve Blagoj Boçvarski sot deklaroi se është i gatshëm për debat për ligjin për përcaktimin e statusit juridik të objekteve të ndërtuara pa leje kudo dhe në çdo nivel dhe mbi të gjitha me deputetët.

I pyetur për iniciativën e deputetes Maja Moraçanin për një seancë mbikëqyrëse për ligjin për ndërtimet pa leje, Boçvarski tha se ligji është i domosdoshëm për qytetarët. Sipas tij, nëse deputetët janë të gatshëm të votojnë, do të jetë mirë, por nëse refuzojnë të diskutojnë dhe votojnë, atëherë shteti do ta tërheqë atë.