Bullgaria mbështet planin europian të rimëkëmbjes
Kryeministri bullgar, Boiko Borissov shprehu sot distancimin e tij nga Polonia dhe Hungaria, të cilat kanë vënë veton për planin e rimëkëmbjes së BE-së, gjatë një bisede telefonike me kancelaren gjermane, Angela Merkel.
“Plani i rimëkëmbjes është i ekuilibruar dhe i pranueshëm”, tha kreu konservator, i cili e siguroi Merkelin për mbështetjen e tij.
Hungaria dhe Polonia, së bashku me Slloveninë, refuzojnë të lidhin pagesën e fondeve europiane me Shtetin e së Drejtës, duke bllokuar planin e rimëkëmbjes, i miratuar në fund të korrikut nga 27 vendet anëtare të Bllokut për të trajtuar pandeminë e COVID-19.
