Çdo të premte me orar të shkurtuar të punës për punonjësit e Diners Club Maqedoni

Nga prilli i këtij viti, java e punës për punonjësit e Diners Club Maqedoni përfundon të premten në orën 14.00. Ky është i fundit nga seria e përfitimeve që kompania ka zbatuar si pjesë e praktikave pozitive të korporatës në kujdesin për punonjësit e saj.

Duke ndjekur përvojat dhe praktikat pozitive të kompanive në mbarë botën dhe duke marrë parasysh nevojën për fleksibilitet më të madh të orarit të punës, Diners Club Maqedoni sërish ka vendosur që t’i plotësojë nevojat e punonjësve të tij, për të cilët fundjavat tani fillojnë më herët.

“Përvoja botërore me orar pune të ndryshueshëm dhe të shkurtuar ka treguar një sërë implikimesh pozitive për produktivitetin në punë dhe mirëqenien e përgjithshme të punonjësve, që për ne ka qenë gjithmonë prioriteti numër një. “Në Diners kemi shembuj të punonjësve që janë pjesë e kompanisë për më shumë se 15 vjet dhe ky është motiv i mjaftueshëm që ne të vazhdojmë të investojmë vazhdimisht në ekipin tonë”, – thonë në Diners.

Ajo që e kënaq veçanërisht ekipin drejtues të Diners-it është se pas përfundimit të përgjegjësive të punës, në orën 14.00, punonjësit shpesh dinë ta shfrytëzojnë kohën e re të lirë për t’u shoqëruar së bashku, gjë që është jashtëzakonisht e rëndësishme për ruajtjen e frymës ekipore në kompani.

Vitin e kaluar Diners Club Maqedoni në bashkëpunim me Eurolink Insurance ofroi sigurim shëndetësor privat për të gjithë punonjësit e tij, me qëllim të rritjes së disponueshmërisë së shërbimeve shëndetësore cilësore dhe sigurimit të kujdesit mjekësor në kohë.