Çellsi ofron dy yje të skuadrës për mbrojtësin e Juventusit

Matijs De Ligt duket të jetë kthyer në objektivin kryesor të Çellsit për repartin difenziv, me londinezët që i kanë ofruar Juventusit edhe mundësinë e përfshirjes në marrëveshje të njërit prej Pulishiçit dhe Vernerit.

Sipas “Tuttomercato”, “Zonja e Vjetër” duket se është treguar kategorike me Çellsin duke i theksuar se mbrojtësi do të largohet vetëm nëse ata paguajnë klauzolën prej 115 milionë euro.

Pulishiç duket se për momentin mund të ishte opsioni më i mirë për Juventusin, por dëshira e bardhezinjve për të arkëtuar para e përjashton si mundësi për momentin.