Pothuajse 20 mijë punëtorë nuk janë paguar për muajt shkurt dhe mars nga 12 mijë kompani të vendit, informoi Drejtoria e të Ardhurave Publike. Kreu i këtij institucioni, Sanja Lukarevska, në takim me gazetarët tha se kompanitë janë nga të gjithë sektorët dhe disa prej tyre janë të përsëritura ndër vite.
Sipas raportit të DAP, në mars janë regjistruar 69.156 punëdhënës me 555.161 të punësuar. Prej tyre, mbi 56 mijë paga janë paguar, ndërsa 5.716 punëdhënës për 11.612 të punësuar nuk kanë dërguar paga për muajin mars. Për muajin shkurt janë 5.136 punëdhënës të cilët nuk i kanë paguar punëtorët.
Adnan Qaili
