Dimitrievski: Kumanova ka para, por jo për servisimin e borxheve

Kumanova para katër viteve ishte ndër komunat me më shumë borxhe, por sot është plotësisht stabile, kështu u shpreh në emisionin “Magazina Ekonomike”, kryetari i kësaj komune, Maksim Dimitrievski. Sipas tij, komuna ka mjete të mjaftueshme, por ato para nuk duan t’i shpenzojnë për servisimin e borxheve të energjisë elektrike nga kompetencat e bartura.

“Komunat në mënyrën si qëndron puna tani me krizën energjetike do kenë problem serioz të hartojnë buxhet, që në kornizën e vet do duhet ta ketë edhe komponentin zhvillimor të investimeve kapitale…”, tha Dimitrievski.