Disa nga të lënduarit në Ferizaj do të dërgohen për shërim në Turqi

Disa nga të lënduarit nga shpërthimi i sotëm në Ferizaj do të dërgohen për shërim në Turqi. Kështu ka bërë të ditur kryetari i Ferizajt, Agim Aliu, i cili ka thënë se tashmë kanë filluar procedurat për dërgimin e pacientëve që janë në gjendje më të rënduar për shërim në Turqi.

- Advertisment -

Ky është statusi i tij në Facebook

Po bëjmë përpjekje maksimale që për të lënduarit në gjendje më të rëndë, ta lehtësojmë procedurën për shërim në Republikën e Turqisë, sipas rekomandimeve të mjekëve, pas vendosjes së kontakteve nga Komuna e Ferizajt bashkë me Ministrinë e Shëndetësisë, Shërbimin Spitalor Klinik-Universitar të Kosovës dhe kërkesës tonë pranë Ambasadës së Turqisë në Kosovë.

Zemërthyer e të tronditur jemi sot, jo vetëm ne ferizajasit, nga vala e zjarrit e shpërthimi i fuqishëm që lëndoi dhjetëra qytetarë.

Ferizaj do ta kapërcej edhe këtë plagë që nisi vitin. Të gjithë jemi me lutjet tona për shërimin e të lënduarve dhe pranë familjeve të tyre.

I jashtëzakonshëm ishte edhe reagimi i mjekëve e infermierëve ferizajas dhe stafit teknik nga komunat fqinje, Policisë së Kosovës, zjarrfikësve, solidarizimi i bizneseve me këtë fatkeqësi e qytetarëve të rastit që me reagimin e shpejtë, parandaluan zgjerimin e tragjedisë.

Qoftë i shpejtë shërimi i të lënduarve!

LEXO EDHE:

Back to top button