Donçiç vendos rekordin sezonal të pikëve, fitore për Bostonin dhe Denverin
Ekipi i Los Anxhelos Lejkers rikthehet te fitorja në NBA, pasi që më rezultat 129-110 mundi Orlandon në transfertë. LeBron Xhejms me 28 pikë ishte lider për kalifornianët, ndërkohë që 49 pikë u realizuan nga lojtarët e stolit. Denveri vijon të komandojë renditjen në Perëndim, duke mposhtur 113-106 skuadrën e Sakramentos. Porter me 30 pikë e Marrej me 25 pikë bënë diferencën në fushë për Denver. Fitojnë edhe Los Anxhelos Klippers, që falë 4 lojtarëve që realizuan mbi 20 pikë, mposhtën 124-113 Toronto.
Në Konferencën e Lindjes, vijon të komandojë skuadra e Bostonit, që mundi 126-102 Hjustonin, ndeshje ku diferencën në parket e bënë Braun me 39 pikë dhe Tatum me 38 pikë. Skuadra e Feniksit, falë 26 pikëve të Uashington (e nisi ndeshjen nga stoli), mundi 125-108 Memfisin.
Fitore të rëndësishme për play off-in korri Dallas, që mundi 126-121 Nju Jorkun. Luka Donçiç i papërmbajtshëm, duke vendosur rekordin sezonal, me 60 pikë, 21 kërcime dhe 10 asist. Fitojnë edhe kampionët e Golden Stejit që mundën 110-105 Sharlotin (Klej Tompson 29 pikë).
NBA – Rezultatet
Orlando – Lejkers, 110-129
Uashington – Filadelfia, 116-110
Boston – Hjuston, 126-102
Indiana – Atlanta, 129-114
Toronto – Klipers, 113-124
Memfis – Feniks, 108-125
Oklahoma – San Antonio, 130-114
Dallas – Nju Jork, 126-121
Golden Stejt – Sharlot, 110-105
Sakramento – Denver 106-113
