Donjeta, siguron medalje për Kosovën nga Kampionati i botës
Boksierja kosovare, Donjeta Sadiku ka regjistruar një sukses të madh në karrierën e saj. Sadiku ka arritur që të fitojë medalje në kampionatin botëror të boksit.
Në Botërorin e boksit, në konkurencën e femrave, që aktualisht po zhvillohet në Turqi, boksierja kosovare arriti të bënte historinë duke marrë edhe medalje, pasi që ka siguruar garat e gjysmëfinales.
Ajo garoi në kategorinë -60 kilogramë dhe në çerekfinale mposhti boksieren Vu Shih nga Taipei.