Emiratet Arabe do të investojë 40 miliardë euro shtesë në Gjermani

Emiratet e Bashkuara Arabe do të investojnë 40 miliardë euro shtesë në Gjermani për të mbështetur industrinë dhe punësimin, njoftoi Ministri i Industrisë dhe Teknologjisë së Avancuar i Emirateve të Bashkuara Arabe, Sultan Ahmed Al Jaber.

Investimi i ri mbështetet në 34 miliardë eurot e investuara tashmë nga Emiratet në Gjermani dhe duhet të forcojë më tej marrëdhëniet ekonomike dhe strategjike midis dy vendeve.

“Gjermania ka qenë partneri ynë i rëndësishëm strategjik dhe ekonomik për dekada të tëra, dhe investimi i planifikuar prej 40 miliardë eurosh shtesë konfirmon qëllimin tonë për të vazhduar investimet në këtë marrëdhënie në të ardhmen”, tha Al Jaber.

Bashkëpunimi është intensifikuar që kur kancelari gjerman Friedrich Merz vizitoi rajonin e Gjirit në shkurt. Berlini po kërkon të thellojë lidhjet në energji dhe mbrojtje dhe të zvogëlojë varësinë e ekonomisë gjermane nga Shtetet e Bashkuara dhe Kina.

Sipas Al Jaber, investimi duhet të mbështesë drejtpërdrejt kapacitetet industriale gjermane, të ruajë vendet e punës të kualifikuara dhe të kontribuojë në sigurinë energjetike dhe stabilitetin e zinxhirëve të furnizimit.