Është 140 metra e gjatë: Furrtarët francezë kanë bërë baguetën më të madhe në botë
Bukëpjekësit francezë kanë bërë baguetën më të madhe në botë me gjatësi 140.53 metra dhe kanë vendosur një rekord të ri që Italia kishte mbajtur për pesë vitet e mëparshme
Kjo baguette është 235 herë më e gjatë se një baguette tradicionale dhe është bërë në një periferi të Parisit në një ngjarje të Konfederatës Franceze të Bukëpjekësve dhe Kuzhinierëve të Pastiçerisë.
Baguette e mëparshme më e madhe u bë nga furrat italiane në liqenin e Komos në vitin 2019 dhe ishte 132.62 metra e gjatë, raporton Reuters.
Për të mposhtur italianët, furrtarët francezë filluan të gatuanin dhe t’i jepnin formë brumit në orën 3 të mëngjesit përpara se ta vendosnin në një furrë të ndërtuar posaçërisht me rrota.
“Gjithçka është konfirmuar, të gjithë jemi shumë të lumtur që kemi thyer këtë rekord dhe që është prodhuar në Francë”, tha bukëpjekësi Anthony Arigol, pasi një gjykatës i rekordeve botërore Guinness konfirmoi se kjo është baguette më e madhe në botë.
Një pjesë e baguettes, të paktën pesë centimetra e trashë, u pre dhe u shpërnda në publik, ndërsa pjesa tjetër iu dha të pastrehëve.
Sipas rregulloreve zyrtare, një baguette tradicionale franceze duhet të jetë rreth 60 centimetra e gjatë, e bërë vetëm nga mielli i grurit, uji, kripa dhe majaja dhe peshon rreth 250 gram.
