Është publikuar portreti zyrtar i Melania Trump
Është publikuar portreti zyrtar i Melania Trump
Është publikuar portreti zyrtar i zonjës së parë të Shteteve të Bashkuara të Amerikës, Melania Trump.
Fotoja është realizuar nga fotografi belg Regine Mahaux, i cili ka fotografuar familjen Trump për më shumë se 20 vjet. Fotoja është bërë më 21 janar 2025. Regine bëri portretin zyrtar të Melania Trump edhe në vitin 2017. “Jam vërtet i nderuar që jam zgjedhur për të xhiruar sërish portretin. Si artiste, është një privilegj i madh të punosh me një grua kaq frymëzuese. Ajo është një perfeksioniste”, tha fotografi për BBC.
First Lady Melania Trump’s Official White House Portrait pic.twitter.com/pMdooFZW53
— First Lady Melania Trump (@FLOTUS) January 27, 2025
Gruaja e Donald Trump ka pozuar e mbështetur në një tavolinë në Shtëpinë e Bardhë. Për këtë rast ajo ka veshur një xhaketë Dolce & Gabbana, e cila mund të gjendet në dyqanet online për një çmim prej gati 3000 dollarësh (rreth 2870 euro).
Ajo tërhoqi vëmendjen me zgjedhjet e saj të modës në inaugurim
Kujtojmë se Melania Trump ishte një nga temat kryesore të mediave botërore pas inaugurimit të Donald Trump, ku tërhoqi vëmendjen me kombinimet e saj të modës. Fillimisht, ajo kishte veshur një pallto blu të errët në ceremoninë e betimit. Çmimi i palltos, sipas faqes zyrtare të markës, është rreth 4186 euro. Melania e përfundoi edicionin me një kapele të mrekullueshme nga stilisti amerikan Eric Javits.
Për ballot inauguruese të mbrëmjes, ajo kishte veshur një fustan bardh e zi të dizenjuar nga stilisti i saj i vjetër Herve Pierre.
Melania dhe Donald Trump së fundmi festuan 20 vjetorin e martesës
Melania dhe Donald së fundmi festuan 20 vjetorin e martesës . Ata u martuan në vitin 2005, pas një lidhje 7-vjeçare dhe Melania kishte veshur një fustan nusërie luksoze nga Dior, me vlerë 100 mijë dollarë, të cilin e plotësoi me një gjerdan diamanti. “Gëzuar 20-vjetorin, Melania”, ka shkruar Trump në Instagram krahas një fotoje nga dasma e tyre.
Trump i propozoi Melanias në prill 2004, duke i dhuruar asaj një unazë diamanti 12 karatësh me vlerë 2 milionë dollarë. Melania pranoi menjëherë, edhe pse më vonë pranoi për media se nuk e priste propozimin, raporton People.
Ju kujtojmë se Melania u transferua në Nju Jork në vitin 1996. Ajo mori mundësinë për të punuar me revista prestigjioze të modës, duke përfshirë Vogue dhe Vanity Fair. Por momenti kyç ndodhi në vitin 1998, kur ajo u takua me Donald Trump, atëherë një manjat biznesi dhe personalitet mediatik.
