Evropa është nën ndikimin e nxehtësisë ekstreme, përmbytjeve, zjarreve, mungesës së ujit…

Sipas raportit, i cili anketoi 27,000 persona nga 27 vende të Bashkimit Evropian , 80 përqind e të anketuarve thanë se kishin përjetuar të paktën një problem që lidhet me ndryshimet klimatike në pesë vitet e fundit: nxehtësi ekstreme, përmbytje, zjarre në pyje, mungesë uji .

Qëllimi i hulumtimit nuk ishte vetëm të hartëzohej ndikimi i ndryshimeve klimatike , por mbi të gjitha të përgjigjej pyetjes se si banorët e Bashkimit Evropian po përballen me kushtet e reja.

Sipas studimit, deri në 38 përqind e të anketuarve thanë se nuk mund ta përballojnë ftohjen e mjaftueshme të shtëpisë së tyre gjatë verës.

Ky është një problem që është veçanërisht i theksuar në vendet lindore të Bashkimit Evropian. Më të dobëtat janë renditur Polonia dhe Lituania, ku pjesa e tyre është mbi 50 përqind, por edhe Sllovakia, Hungaria, Greqia…

Në përgjithësi, studimi tregon ndryshimet gjeografike, klimatike dhe ekonomike që ekzistojnë midis rajoneve të ndryshme të BE-së: vendet në jug dhe në lindje janë më të prekura nga pasojat e ndryshimeve klimatike dhe më pak të përgatitura për t’u përballur me këto pasoja.

Siç thuhet në studimin e EEA-s , një në pesë banorë të Bashkimit Evropian nuk ka zbatuar asnjë masë për t’u mbrojtur nga kushtet ekstreme të motit. Kjo përfshin instalimin e ajrit të kondicionuar, por edhe sistemet e mbrojtjes nga përmbytjet dhe mbledhjes së ujit të shiut, sigurimin nga moti, blerjen e një sistemi baterish për shtëpinë e të ngjashme.