Kreu i LSDM-së Venko Filipçe në ditën e parë të mësimit qëndroi në shkollën Kiro Gligorov në Komunën Qendër, shkruan Alsat.
Ai tha se kreu i Komunës Gerasimovski ka siguruar kushte për nxënësit dhe lehtësime financiare për prindërit.
Filipçe tha se pushteti i kaluar ka investuar seriozisht në arsim, gjë që aktualisht mungon.
“Këtu jemi te Shkolla “Kiro Gligorov” që është një nga shkollat e ndërtuara rishtazi gjatë mandatit të LSDM-së. Ne kemi ndërtuar dhe rindërtuar mbi 80 shkolla. Kemi bërë një investim të konsiderueshëm në pagat e mësuesve, ato nuk janë rritur kurrë me një përqindje të tillë më pare, mbi 50%, diçka që tani mungon seriozisht. Programi që po përgatisim për zgjedhjet lokale bazohet në sigurimin e arsimit cilësor, sigurimin e rrugëve të sigurta për fëmijët që vijnë në shkolla dhe gjithçka që mund të bëhet në kuadër të vetëqeverisjes lokale për të mbështetur prindërit”, tha Venko Filipçe, Kryetar i LSDM-së./ Alsat.mk
