Grabitja e miliona euro në Rinas, SPAK kërkon 157 vite burg për të akuzuarit

Prokuroria e Posaçme (SPAK) kërkon dënimin me 157 vite burg për 8 të akuzuarit për grabitjen e milionave euro në pistën e Rinasit, në prill të vitit 2019.

Për Klement Çalën, i dyshuar si organizator, u kërkuan 24 vite burg.

Për të pandehurit e tjerë Eldi Cala, Oltjan Veseli, Renaldo Sula, Saimir Çela, Elton Pikli, Talo Çela dhe Alkond Bengasi u kërkuan nga 19 vite burg.