Greqi, sot pritet aktgjykimi për “Agimin e Artë”

Vendimi i gjykatës mbi partinë ultra të djathtë ‘’Agimi i Artë’’ do të shpallet sot nga një Gjykatë e Apelit Penal të Athinës.

Me verdiktin e saj, gjykata është thirrur të vendosë nëse të akuzuarit janë fajtorë ose jo për krijimin e një organizate kriminale dhe të japë një përgjigje për një çështje me rëndësi të madhe juridike dhe shoqërore, që do të ketë një ndikim të madh në të tashmen dhe të ardhmen e vendit.

Kujtojmë se kjo parti politike u zgjodh në parlamentet greke dhe europiane në tre zgjedhje të njëpasnjëshme.