Hagë, mbahet konferenca përgatitore për gjykimin e krerëve të UÇK-së

Dhomat e Specializuara të Hagës bëjnë të ditur se sot do të mbahet konferenca përgatitore për gjykimin në çështjen Thaçi, Krasniqi, Veseli dhe të tjerët.

“Siç ishte paralajmëruar gjatë konferencës së fundit për ecurinë e çështjes, Trupi Gjykues II ka caktuar konferencën përgatitore për gjykimin në çështjen kundër Hashim Thaçit, Kadri Veselit, Rexhep Selimit dhe Jakup Krasniqit më 18 janar në ora 09:30”, thuhet në njoftimin e Speciales, transmeton Klankosovat.tv.