Haland, golashënuesi më i mirë në Ligën e Kampionëve
Sulmuesi norvegjez i Mançester Sitit, Erling Haaland është shpallur golashënuesi më i mirë në Ligën e Kampionëve me 12 gola në fund të sezonit aktual të Ligës së Kampionëve. Ai shënoi vetëm njërin prej tyre nga pika e bardhë.
Sulmuesi i Liverpullit, Mohamed Sallah është i dyti me tetë gola të shënuar. Në vendin e tretë është Vinicius Junior, anësori i Real Madridit, i cili ka shënuar shtatë gola. Të njëjtin numër ka edhe Kilian Mbape nga PSZH.
Kujtojmë se në Ligën e Kampionëve të përfunduar, Haaland zotëron një “penta-trik”. Në ndeshjen e dytë kundër Leipzig në fazën 1/8 finale, norvegjezi goditi pesë herë portën e ekipit gjerman.
