Humane – një smartphone në pëllëmbën e dorës, fjalë për fjalë

Inovatorët që kanë punuar për Apple kanë zbuluar një pajisje të re inteligjente të quajtur Humane, e cila është e armatosur me inteligjencë artificiale dhe teknologji që krijuesit besojnë se mund të zëvendësojnë telefonat inteligjentë. Humane është e destinuar për një të ardhme edhe më inteligjente dhe personale, thonë Imran Chaudhry dhe Bethany Bongiorno.

Ajo që e bën këtë pajisje të ndryshme është se aktivizohet me zë dhe më pas çdo gjë projektohet në pëllëmbën e përdoruesit, nga mesazhet tek telefonatat. Kështu, sipas krijuesve, hiqet nevoja për të parë vazhdimisht një ekran, si dhe kufizimet fizike të ekraneve të ndjeshëm ndaj prekjes.