Ish kampioni i botës dorëzon orën e dorës, nën kanosjes me pistoletë nga hajnat
Ish-kampioni i botës në boks, britanikun Amir Khan, është grabitur me armë, në një zonë të Londrës, teksa ishte duke ecur me bashkëshorten e tij, Faryal Makhdum. Khan ka rrëfyer ngjarjen, duke thënë se dy persona i kanë drejtuar armën në fytyrë.
“Dy persona më vunë pistoletën në fytyrë. Hoqa orën dhe ua dhashë nën kërcënimin e armës. Ngjarja ndodhi në Leyton, në lindje të Londrës”, ka shkruar në rrjetet sociale Amir Khan, ish-kampion bote në peshën “uelter”, në kategoritë VBA e IBF (34 fitore e 6 humbje në karrierë).
“Për fat të mirë, nusja ime ishte disa hapa pas meje. Gjëja më e rëndësishme është se të dy jemi mirë”, ka shtuar më tej Khan.
Boksieri Amir Khan u rikthye në ring këtë vit pas 3 vitesh pushim, por u mund nga patrioti i tij Kell Bruk. Emri i Khan u përmend edhe nga Florian Marku, që e ka ftuar në duel pas fitores së fundit.
