Janë regjistruar mbi një milion e 619 mijë qytetarë, njofton ESHS
Nga Enti Shtetërorë për Statistika njoftojnë se përfshi ditën e djeshme deri në ora 20:00, janë regjistruar 1.619.857 persona, 503.491 amvisëri dhe 711.695 banesa, përcjell Alsat. Mundësinë për tu regjistruar online e kanë shfrytëzuar 198.589 qytetarë.
Sot është dita e 32 e regjistrimit, ndërkaq deri në fund të operacionit statistikor kanë mbetur edhe tre ditë.
Përveç në shtëpitë e tyre, qytetarët mund të regjistrohen edhe në pika të caktuara në komunat e tyre, pika këto të autorizuara nga Enti Shtetërorë për Statistika. Lokacionet e pikave në fjalë mund t’i gjeni në linkun:
https://popis2021.stat.gov.mk/Upatstva/SpisokNaKPRzaPopisuvanje.pdf
Deri më 30 shtator, do të mund të regjistrohet online edhe diaspora. Qytetarët nga diaspora, që jetojnë jashtë vendit, e që nuk kanë mundësi të regjistrohen përmes aplikacionit online, mund të regjistrohen nga familjarët ose të afërmit e tyre në Maqedoninë e Veriut, që i dinë të dhënat për personin në fjalë.
