Javën e ardhshme diskutohet hapja e kufijve pa kushte me rajonin

epa08490495 Police officer wearing protective mask checks documents from a passenger at the border crossing Tabanovce near Kumanovo, North Macedonia, 17 June 2020. North Macedonia?s Government has decided to open all border crossings starting on 17 June 2020. Passengers can cross the borders with condition to show a valid negative PCR test and go in 14 day mandatory self-isolation. Foreigners transiting the country for a period of maximum 5 hours can use all border crossings. The number of newly infected COVID-19 patients in the North Macedonia is still more than one hundred per day in last three weeks, which is a big number for the small Balkan country. EPA-EFE/GEORGI LICOVSKI

Alsat
08.09.2020 15:32

Javën e ardhshme do të diskutohet për hapjen eventuale të kufijve të Maqedonisë së Veriut me shtetet e rajonit pa kushte. Vendet e Ballkanit Perëndimorë si dhe Greqia e Bullgaria do të rilidhen sërish “on-line” për tu koordinuar për lëvizjen e qytetarëve, por edhe për situatën me Pandeminë. Zv/ministri i Shëndetësisë Armend Arsllani tha se me vendet e rajonit janë marrë vesh të hartojnë një dokument për protokoll të ndërsjellë për kufijtë.

 “Grupet punuese janë në aktivitetet e tyre të përditshme, kemi shkëmbim të informacioneve gjatë gjithë periudhës dhe tani ne presim një hap tjetër, në të cilën do të kemi edhe një përgjigje konkrete gjatë video-konferencës për të pasur një protokoll të harmonizuar dhe konkret me të gjitha mënyrat sesi do të vazhdoj lëvizja sa më e lehtë e të gjithë udhëtarëve, por gjithmonë duke pasur një kontroll të shpërndarjes dhe përhapjes së virusit korona- deklaroi Armend Arsllani, Zëvendësministër i Shëndetësisë.

 Lëvizje të lirë pa test dhe pa kufizime të tjera Maqedonia e Veriut për momentin ka vetëm me Shqipërinë. Ndërsa lehtësimi i lëvizjes varet edhe nga situata epidemiologjike, që në vendin tonë në bazë të shifrave po shkon drejt përmirësimit. Pas disa muajve, numri i rasteve aktive ka rënën nën dy mijë, përkatësisht sot janë 1895 raste aktive.

 Ministria e Shëndetësisë

“Në 24 orët e fundit prej 1384 testeve të bëra janë regjistruar 99 raste të reja.

Ndërruan jetë 8 persona: dy Tetovë, dy Ohër dhe nga një Shkup, Strugë, Dibër dhe Dellçevë.

Sot Instituti i Shëndetit Publik evidentoi 214 raste të të shëruarve.”

 Që nga fillimi i Pandemisë janë regjistruar 15 mijë e 226 raste pozitive, ndërsa numri i të shëruarve ka arritur në 12 mijë e 700. Me 8 viktimat e fundit, numri i të vdekurve nga CoVid-19 ka shkuar në 631. Deri më tani janë realizuar 159,387 teste PCR, prej të cilëve 9,5% janë diagnostikuar me virus korona.

Përgatiti: Adnan Qaili