“Javna Soba”, përfundon ekspertiza e celularëve

Ekspertiza e telefonave të konfiskuar të katër personave që postonin foto në grupin e Telegramit “Javna Soba” duhet të përfundojë sot ose më së voni nesër, siguroi ministri i Punëve të Brendshme Oliver Spasovski. Raporti do të dorëzohet në prokurori. Ndërkohë, policia ka punuar në identifikimin e anëtarëve të tjerë që kanë shpërndarë fotografi në grupin tashmë të mbyllur, i cili numëronte mijëra anëtarë. Spasovski edhe njëherë theksoi se e pengesë për hetimin është se platforma “Telegram” nuk bashkëpunon për ta lehtësuar atë.

- Advertisment -

“Ende nuk ka asnjë komunikim nga Telegram dhe kjo është një vështirësi shtesë për të paraqitur prova si te ministria ashtu edhe te prokuroria”, tha Oliver Spasovski, ministër i Brendshëm.

Ministria e Drejtësisë njoftoi ndryshime në Kodin Penal – për të futur një nen të ri “përndjekje”. Do të parashikojë deri në tre vjet burg për ata që keqpërdorin të dhënat ose i përdorin ato përmes mjeteve të telekomunikimit. Ministria në fjalë ndryshimet do t’i dërgojë në Qeveri ndërsa do të vendosen edhe në ENER, platformë elektronike e internetit ku qytetarët do të mund t’i shohin ndryshimet. Më pas do të shkojnë për votim në Kuvend ku nevojitet shumicë e thjeshtë. Dje, u organizua edhe marsh protestues ku pjesëmarrësit porositën se “Javna Soba” nuk është aheng, por vepër penale. Viktimat që u abuzuan në këtë grup ku u shpërndanë fotot e tyre gjithashtu folën gjatë protestës. Grupi “Javna Soba” nuk ekziston më, por me mbylljen e tij janë hapur grupe të reja, ku janë anëtarësuar persona nga vendi dhe Serbia.

Bojan Stojanovski

LEXO EDHE:

Back to top button