Kasami: BDI vodhi fonde dhe u bë milionere

Koalicioni VLEN ka zhvilluar takime me mërgatën në Zvicër dhe Gjermani. Bilall Kasami nga Cyrihu tha për herë të parë shqiptarët nga Shkupi, Prishtina dhe Tirana janë bashkuar për të sjell ndryshimin. Ai tha se Tirana dhe Prishtina nesër në Qeverinë e Maqedonisë do të kenë një mbështetje nga VLEN.

“Ne sot jemi këtu edhe për një arsye tjetër. Shqiptarëve të Maqedonisë më shumë se kurrë u duhet ndryshimi. Shqiptarëve u duhet që të largohet ky pushtet i korruptuar të cilët bënë miliona duke keqpërdorur fondet tuaja. Ju ia dhatë paratë për të bërë luftë dhe për t’u çliruar, ata i keqpërdorën dhe sot janë bërë milionerë”, tha Bilall Kasami, VLEN.