Konjufca: Çështja e Asociacionit është e mbyllur
Kryetari i Kuvendit të Kosovës, Glauk Konjufca ka thënë se çështja e Asociacionit të komunave me shumicë serbe, është çështje e mbyllur.
Ai tha se fjalën rreth kësaj teme e ka dhënë Gjykata Kushtetuese.
“Asociacionin e ka hedh poshtë gjykata jonë Kushtetuese, pas atij vendimi përpjekja për ri-definimin e një asociacioni të ri është shumë e vështirë dhe institucionet nuk duhet ta pranojnë një qasje të tillë”, u shpreh Konjufca.
Konjufca theksoi se institucionet duhet ta mbajnë qëndrimin se kjo është çështje e mbyllur dhe nuk duhet të pranojnë ta rihapin krijimin e Zajednicës.
