Kontrollet e shtuara policore ulin numrin e aksidenteve në trafik

Për ministrin e brendshëm Spasovski, prezenca e shtuar e policisë në komunikacion ka dhënë efekte të mëdha në sigurinë e qytetarëve. Ai tha se kontrollet e shtuar së fundmi tregojnë se mos prezenca e policisë në vazhdimësi shkakton probleme serioze dhe parregullsi të shumta në komunikacion.

- Advertisment -

Kemi zvogëlim të fatkeqësive në komunikacion në këtë periudhë prej 10 ditëve. Kjo do të thotë se këto kontrolle japin rezultate, por duhet seriozisht të ballafaqohemi jo vetëm me shpejtësinë e rritur gjatë qarkullimit në komunikacion, jo vetëm me personat që kanë përdorur alkool ose substanca psikotrope. Sfidë serioze do të jetë se si do të zgjidhet problemi me automjetet e paregjistruara por edhe me vozitjes së motoçikletave pa patentë shoferi”-tha Oliver Spasovski, Ministër i Punëve të Brendshme.

Për të rritur sigurinë në komunikacion, Spasovski paralajmëroi vazhdimin e projektit të filluar në vitin 2016 të mbështetur nga Ambasada amerikane për vendosjen e kamerave në uniformën e policëve por edhe kamerave shtesë nëpër bulevarde.

Janë bërë analizat për atë se ku dhe sa kamera duhet të vendosen, e të cilat do të kontrollojnë shkelje në komunikacion, rritja e shpejtësisë së qarkullimit etj. Në të gjithë vendin, në të gjithë autostradat dhe rrugët magjistrale e rajonale janë vendosur sisteme mobile. Pasi ka përfunduar kjo fazë tani do të kalojmë në sjelljen e vendimit për shpalljen e thirrjeve publike dhe për implementimin e të gjithë këtij projekti”-pohoi Oliver Spasovski, Ministër i Punëve të Brendshme.

Hetimet për dhunën e ushtruar ndaj policëve vazhdojnë, ndërsa Spasovski tha se nuk do tolerojë ngritjen e dorës mbi policinë, pasi ajo nënkupton ngritjen e dorës ndaj shtetit.

Mefail Ismaili

LEXO EDHE:

Back to top button