Koreja e Jugut dëshiron të bëhet vendi i parë që prezanton rrjetin 6G

Koreja e Jugut dëshiron të bëhet vendi i parë që prezanton rrjetin 6G

Koreja e Jugut ka thënë se synon të lansojë rrjetin e saj 6G duke përdorur teknologjinë më të avancuar, rrjete celulare të avancuara të bazuara në softuer të gjeneratës së ardhshme dhe duke forcuar rrjetet e zinxhirit të furnizimit.

Lajmi është bërë i ditur nga Ministria koreane e Shkencës, Teknologjisë së Informacionit dhe Komunikimit.

Qeveria e Koresë së Jugut do të inkurajojë kompanitë lokale të prodhojnë materiale, komponentë dhe pajisje për zhvillimin e rrjetit 6G, dhe gjithashtu planifikon të forcojë zinxhirin e furnizimit për të mbështetur rrjetin e përmendur.

Një studim fizibiliteti që hulumton teknologjinë 6G tashmë është duke u zhvilluar, dhe i gjithë projekti ka një vlerë pak më shumë se 482 milionë dollarë.

Me këtë iniciativë, Koreja e Jugut dëshiron të kalojë përpara pjesës tjetër të botës kur bëhet fjalë për teknologjinë 6G.

Koreja e Jugut ka ekonominë e katërt më të madhe në Azi dhe mban 25.9 përqind të patentave 5G të vitit 2022. Qeveria e Koresë së Jugut shpreson të kalojë 30 për qind ose më shumë të patentave 6G.

Rrjeti i lartpërmendur 6G do të bashkojë atë që është virtuale me realitetin, pohon Zhang Yongtao, zëvendësmenaxheri i përgjithshëm i Departamentit të Teknologjisë së Ericsson.

Ai thotë se rrjeti 6G do ta çojë komunikimin holografik nga fantashkencë në realitet.

LEXO EDHE:

Back to top button