Kosovë, gjatë shkurtit humbën jetën 97 persona nga COVID-19
Në muajin shkurt në Kosovë janë regjistruar 97 të vdekur dhe 8559 raste pozitive me COVID-19. Në Laboratorin e Mikrobiologjisë Molekulare në IKShPK dhe laboratorët privatë me metodën RT-PCR, gjatë 28 ditëve të kaluar janë testuar gjithsej 70,120 mostra të marra nga ShSKUK dhe gjurmimi i kontakteve të rasteve në terren. Në muajin e dytë të vitit, IKShPK njoftoi edhe për 7206 të shëruar në total.
Aktualisht, në Kosovë janë 7539 raste aktive me COVID, ndërsa në ditët e fundit është vërejtur një rritje e rasteve ditore me virusin SARS-COV-2.
Ndërsa, Kosova ende është duke pritur dozat e para të vaksinave antikovid, edhe pse ishte premtuar se ato do të mbërrijnë muajin shkurt, një gjë e tillë nuk ndodhi.
