Kreu i Shërbimit të Inteligjencës Britanike: Rusisë po i mbarojnë armët

Rusisë duket se po i mbarojnë armët dhe municionet pas sulmeve të saj me raketa në Ukrainë, ka thënë kreu i Shërbimit të Inteligjencës së Mbretërisë së Bashkuar. Shefi i Inteligjencës Britanike, Sir Jeremy Fleming, tha se përpjekjet e fundit të mobilizimit të nisura nga Presidenti Vladimir Putin treguan se vendi kishte mungesë të ushtarëve gjithashtu.

Fleming thotë se Rusia dhe komandantët e Rusisë janë të shqetësuar për gjendjen e ushtrisë së tyre, duke i përshkruar ata si “të dëshpëruar”.

“Ne mund ta shohim atë dëshpërim në shumë nivele brenda shoqërisë ruse dhe brenda makinës ushtarake ruse. Sigurisht që nuk nënkupton vetëkënaqësi”, tha ai.

Por Fleming pranon gjithashtu se sulmet e së hënës tregojnë se ka ende një operacion ushtarak shumë të aftë. Ai thotë se vendi ende mund të lëshojë raketa dhe ka rezerva dhe ekspertizë të thellë, por shton se pavarësisht kësaj, Rusia është ende e shtrirë gjerësisht në Ukrainë./ BBC