Kthimi në Hënë mezi pret: NASA shpall datën e re të nisjes së astronautëve

NASA do të jetë në gjendje të dërgojë astronautë në hënë që më 6 mars, për herë të parë në më shumë se gjysmë shekulli. Pas një prove të suksesshme të furnizimit me karburant, zyrtarët thonë se misioni Artemis II është gati për t’u nisur nga Qendra Hapësinore Kennedy në Florida.

“Tani po bëhet shumë serioze dhe është koha të fillojmë të entuziazmohemi vërtet”, tha Lori Glaze, drejtuese e Divizionit të Zhvillimit të Sistemeve të Eksplorimit të NASA-s.

Menaxheri i programit Jared Isaacman tha se ekipet e nisjes kishin bërë “përparim të madh” midis testit të parë, i cili u dëmtua nga një rrjedhje hidrogjeni në fillim të këtij muaji, dhe testit të dytë, i cili përfundoi me një rrjedhje jashtëzakonisht të vogël.

Testi përfaqëson “një hap të madh drejt kthimit të Amerikës në mjedisin hënor”, shkroi Isaacman në rrjetin X.

Zyrtarët thonë se ka ende punë për t’u bërë në vendin e lëshimit, por ata janë të bindur se janë gati të dërgojnë katër astronautë në misionin Artemis II në Hënë që më 6 mars. Lëshimi do të kryhet me një raketë të Sistemit të Lëshimit në Hapësirë.

Për të mbajtur të gjitha opsionet të hapura, tre amerikanë dhe një kanadez po hyjnë në një karantinë të detyrueshme dyjavore shëndetësore në Hjuston sonte.

Në mars, NASA ka vetëm pesë ditë në dispozicion për lëshime me ekuipazh, dhe mundësia tjetër nuk vjen deri në fund të prillit. Një mundësi lëshimi në shkurt u humb kur sasi të rrezikshme hidrogjeni të lëngshëm rrjedhën gjatë demonstrimit të parë të furnizimit me karburant.

Ndërkohë, teknikët zëvendësuan dy guarnicione, duke çuar në një ritestim të suksesshëm. Guarnicionet prej tefloni të hequra kishin gërvishtje të vogla, por asgjë që në shikim të parë do të shpjegonte rrjedhjen e madhe, thanë zyrtarët.

Riparimet ishin të suksesshme dhe këtë herë nuk pati pothuajse asnjë rrjedhje, konfirmoi drejtori i lançimit Charlie Blackwell-Thompson.

Nëse gjithçka shkon sipas planit, astronautët do të bëhen ekipi i parë që fluturon në Hënë që nga misioni Apollo 17 në vitin 1972, i cili i dha fund kapitullit të parë të eksplorimit hënor amerikan.

Përpara se të marrë një vendim përfundimtar për nisjen, ekipi është duke pritur një tjetër provë gatishmërie për fluturim. Nëse merr dritën jeshile, ekuipazhi do të kthehet në Qendrën Kennedy në fillim të marsit për një numërim përfundimtar mbrapsht.

Misioni, i cili do të zgjasë gati 10 ditë, konsiderohet si një fluturim provë me astronautë në një raketë 98 metra të lartë.

Misioni i radhës, Artemis III, është planifikuar për disa vite dhe do të synojë uljen e dy astronautë pranë polit jugor të hënës.