Kujdes shoferë! – Fillojnë reshjet e borës në vend

Reshjet e borës kanë përfshirë disa rajone të vendit, sidomos ato malore, duke mbuluar me shtresë dëbore edhe magjistralen Gostivar-Kërçovë, posaçërisht Strazhën, shkruan Alsat.

Meteorologët paralajmërojnë reshje të mëdha bore në Strazhë duke kujtuar qytetarët të kenë kujdes nëse udhëtojnë drejt Strazhës.

Gjithashtu, nga Enti hidrometeorologjik kanë bërë të ditur se gjatë pjesës më të madhe të ditës do të mbajë mot kryesisht i vranët me reshje të kohëpaskohshme lokale shiu, ndërsa në male e në disa vende më të larta me reshje bore.

Në fundjavë, siç thanë nga Enti hidrometeorologjik, pritet të mbaj mot i ndryshueshëm, me periudha me diell ku temperature minimale do të jetë minus 8 deri në 0 gradë celsius ndërsa ajo maksimale prej 8 deri në 14 gradë celsius./ Alsat.mk