Kuvend, miratohet Ligji i Shtetësisë

Kuvendi miratoi Ligjin e Shtetësisë. “Për” votuan të gjitha partitë shqiptare dhe LSDM-ja. VMRO-DPMNE-ja votoi kundër. Kryetari i ASH-së, Ziadin Sela i bëri thirrje qytetarëve të aplikojnë menjëherë për shtetësi.

- Advertisements -

YouTube video

 “Urime dhe për periudhë kohore shumë të shkurtër ata do të kenë të drejtën të aplikojnë dhe shumicës së tyre vetëm do t’i konstatohet shtetësia me ligjin neve e kaluam”- deklaroi Ziadin Sela, Kryetar i ASH-së.

Kreu i Alternativës, Afrim Gashi deklaroi se me miratimin e ligjit, Kuvendi pranoi padrejtësinë ndaj shqiptarëve.

 “Sot me votimin e këtij ligji Kuvendi ka pranuar një faj që ua ka bërë qytetarëve dhe prej sot e andej ua njeh këtë të drejtë dhe besoj se në të ardhmen nuk do të ndodhin gjëra të tilla që qytetarët të diskriminohen në këtë nivel”– pohoi Afrim Gashi, Kryetar i AAA-së.

Kreu i Komisionit për Çështje Evropiane nga radhët e BDI-së, Arbër Ademi deklaroi se Ligji i Shtetësisë do të jetë në shërbim të të gjithë qytetarëve.

 “Edhe një herë u konfirmuar ajo që kemi deklaruar më herët se bëhet fjalë për zgjidhje e cila është bazuar në zgjidhjen ligjore të vitit 2004”– tha Arbër Ademi, Kryetar i KÇE-së.

Miratimi i Ligjit të Shtetësisë erdhi pas marrëveshjes mes Qeverisë dhe Koalicionit Aleanca-Alternativa, të cilës i parapriu bllokada disa mujore e Kuvendit. Dispozitat ligjore lehtësojnë procedurat për marrjen e shtetësisë përmes vetëm një dokumenti. Zgjidhja e parë ligjore ishte bllokuar në Komisionin për Mbrojtje dhe Siguri.

Adrian Kerimi

LEXO EDHE:

Back to top button