Lajçak: Është koha që ëndrra evropiane të bëhet realitet për Ballkanin Perëndimor
Emisari evropian për dialogun Kosovë-Serbi, Miroslav Lajçak, ka uruar me rastin e 9 majit, Ditës së Evropës.
Ai në një postim në Twitter ka thënë se ideja evropiane e solidaritetit, unitetit dhe miqësisë vazhdon të frymëzojë miliona përreth BE-së.
“Është koha që kjo ëndërr evropiane të bëhet realitet për fqinjët tanë në Ballkanin Perëndimor”, ka thënë diplomati sllovak.
Asnjë nga shtetet e Ballkanit Perëndimor nuk janë anëtare të BE’së.
Kosova ende nuk e gëzon statusin e vendit kandidat për anëtarësim në unionin evropian.
